> Zurück

No Littering vom Samschtig 06.04.2019

Gnägi Peter 08.04.2019

25 Juniore begleitet vo 20 Öutere  si im Clubhus zämecho,
u das nid öppe für mitenang a ne Match z’go!  

Nei me isch i Gruppe, in und um Wange, marschiert
u het Abfall vom Bode u us der Aare zämeramisiert.

Was do isch zämecho isch nid zum gloube,
nei me trout chum sine Ouge.

PET u Glasfläsche, Blächdose, Batterie jo sogar es ganzes Velo,
het me zämegläse u mit is Clübhüsli gno.  

8 Abfallseck à 110 Liter het me gfüllt mit dene Sache,
das isch drurig u gar nid zum lache.  

Der FC duet dene fasch 50 Häufer rächt härzlich Danke
U hofft, dass sie trotz däm trurige Resultat, nöchschd mou wieder mit mache. 

                                                                                                         08.04.2019 / Böbu